جدید پنجابی شاعری
اینی مار و مار تے نئیں سی
ساہ لینا دشوار تے نئیں سی
غور تے کردا بستے دے وِچ
پنسل سی ہتھیار تے نئیں سی
پڑھن سکولے گئیاں سی او
جنگ دیاں دعویدار تے نئیں سی
چانن ونڈدے استاداں وِچ
بیٹھا کوئی سردار تے نئیں سی
خوشبو ورگے بچے کردے
نفرت دا پرچار تے نئیں سی
ربا تُوں تے ویکھ رہیا سی
رستے وِچ دیوار تے نئیں سی
یار حکیما معصوماں نیں
ماری کوئی للکار تے نئیں سی
اینی مارو مار تے نئیں سی
ساہ لینا دشوار تے نئیں سی
حکیم احمد نعیم ارشد
No comments:
Post a Comment
Note: only a member of this blog may post a comment.