جدید پنجابی شاعری
ساہ لینا وی مشکل ہویا
ربّا ایہہ کی اج کل ہویا
ٹُردی ٹُردی کُھبدی جاواں
رستہ سارا دلدل ہویا
ان لبھویں نُوں لبھدا لبھدا
دل مر جانا پاگل ہویا
کلّی آں میں چار چوفیرے
سوچاں دا اک جنگل ہویا
جس وِچ تیرا ناں نہ آیا
اوہ نہ شعر مکمل ہویا
بے درداں دے پِچھے لگ کے
دس بیاء کیہ حاصل ہویا
بیاء جی
نغمانہ خورشید
No comments:
Post a Comment
Note: only a member of this blog may post a comment.