جدید پنجابی گوجری شاعری
حیرت مینوں حالاں اُتے
چالاں چلدے چالاں اتے
جو کہندے اُہ کر جاندے نیں
شک نہ کرنا بالاں اتے
کِس پکھنو نے ایتھے آنا
جم گئی مٹی جالاں اتے
دن گِنڑدے سال پہلاں لیکن
گل ہُن پے گئی سالاں اتے
ساڈے دل نیں ٹُٹیاں قبراں
جانا ننہیں دھمالاں اتے
ڈِٹھے خواب ای چنگے دن دے
لنگھی عُمر خیالاں اتے
میں آں مست الست نہیں کردا
کوئی ملال ملالاں اتے
بُڈھیاں اُتے سکتے طاری
روندے بال، وبالاں اتے
دانے بندے بالاں وانگر
مارن تیر سوالاں اتے
نافے کِتھوں لبھنے صابر
جھپٹے شیر غزالاں اتے
ڈاکٹر صابر آفاقی
No comments:
Post a Comment
Note: only a member of this blog may post a comment.