جدید پنجابی شاعری
یا تے پورا حساب ہووے گا
ورنہ کورا جواب ہووے گا
توں اساڈے چ آ کے رلیا نہیں
ہُن تِرا اِحتساب ہووے گا
ساتھوں جُھک کے سلام نہیں ہونا
ہوندا ہووے نواب ہووے گا
ڈِڈھ دی خاطر تماشہ عزت دا
جی جی بیٹھو جناب ہووے گا
اپنا صدقہ جے آپ کھا جاواں
مینوں فِر وی ثواب ہووے گا؟
قدر کِیتی نہ پانی دی جے کر
راوی ورگا چناب ہووے گا
چھت غریباں نوں دے رہیا سی اوہ
رہن دے ظفری خاب ہووے گا
ظفر اعوان
No comments:
Post a Comment
Note: only a member of this blog may post a comment.