جدید پنجابی سرائیکی شاعری
گونگا ہے زمانہ تاں الا کون کریسی
اے کم ہے ساڈا یار بیا کون کریسی
بہوں اوکھا ہے گل رکھنا کہیں تیز خنجر تے
ہے رسم وڈی اوکھی ادا کون کریسی
ہر کوئی تاں اتھاں پردے لہاونڑ دا ہے عادی
سر ننگے غریبیں دے ردا کون کریسی
مچ مست جھئیں لوکیں دا منہہ آن بجھایا
کوئی چڑنگ دُکھا پڑ تے اوشا کون کریسی
حق منہ تے آلونڑ وی اتھاں جرم ہے جیکر
اے جرم میڈی جان ڈسا کون کریسی
چتریا ہے بدن سجھ دے لہو نال نماشاں
آئے رات تیڈے داغ صفا کون کریسی
منصف وی جتھاں وانگ ہے صیاد دے سبقت
فریاد کوں پنجرے تو رہا کون کریسی
مشتاق سبقت
No comments:
Post a Comment
Note: only a member of this blog may post a comment.