جدید پنجابی شاعری
خورے کی میں کر بیٹھا واں
مرن توں پہلاں مر بیٹھا واں
وچ حیاتی جیون دی خاطر
سبھناں نال میں لڑ بیٹھا واں
خورے کی میں کر بیٹھا واں
مرن توں پہلاں مر بیٹھا واں
پھڑ پھڑ سبھ نوں گل نال لاواں
میرے نیں سبھ، دیواں صداواں
تکدا رہنداں سبھ دیاں راہواں
نیڑے جان توں ڈر بیٹھا واں
خورے کی میں کر بیٹھا واں
مرن توں پہلاں مر بیٹھا واں
چُوٹھے ہاسے ہسدا واں میں
نیڑے جان توں چہکدا واں میں
دور کھلو کے تکدا واں میں
ظلم حیاتی جڑ بیٹھا واں میں
خورے کی میں کر بیٹھا واں
مرن توں پہلاں مر بیٹھا واں
سبھ چہکدے نیں آؤن توں نیڑے
پُتر تائیں آں رانجھے کھیڑے
کوئی نئیں آؤندا میرے ویڑھے
لیکھاں ہتھوں سڑ بیٹھا واں
خورے کی میں کر بیٹھا واں
مرن توں پہلاں مر بیٹھا واں
عاصم بخاری
No comments:
Post a Comment
Note: only a member of this blog may post a comment.