جدید پنجابی شاعری
مردیاں ہوئیاں سدھراں نُوں میں جیوندا رکھیا بھائیا
سمجھ کے موہرہ چھڈیا سی جو اوہو کھادا بھائیا
اکھ نکھٹی سُرمہ لبھّن کوہِ طُور تے جاوے
ہُن کوئی موسیٰ رب دی دِید دی ضِد نیں کردا بھائیا
کینے سیری مردے پے نے ایتھے پوکھ دے پاروں
ایویں پکیاں واھیاں اوتے مینہ نئیں وردا بھاٸیا
چاویں چُلہھ دے تھلے نوں کوٸی ایر نی کردا پُچھے
اگ نُوں کُچھڑ چُکی پھردا آپ نہیں سَڑدا بھائیا
اَکڑیا اے بال میرا جے تیرے اگّے شوہدا
ہون سکھالے لان توں ایہدے دو تِن دھردا بھائیا
کنکاں پُتاں ورگیاں اوتھے پھلیاں جتھے گڈِیے
مُنجیاں دِھیاں، تھاں بدل کے لانا پیندا بھائیا
عدنان قلزم رانجھا
No comments:
Post a Comment
Note: only a member of this blog may post a comment.