جدید پنجابی پوٹھواری شاعری
یار سنبھالی رکھنا پَیسی
نال ای بھالی رکھنا پیسی
بُوٹے حدوں بدھنے جُلنے
لغڑاں مالی رکھنا پیسی
سارے بندے کھڈنے پَیسن
دل ہُنڑ خالی رکھنا پیسی
لوڑنے آلے پُہچی ایسن
دُھواں اُٹھالی رکھنا پیسی
اوہ آیا تے پُھلاں کی وی
ٹالہی ٹالہی رکھنا پیسی
اسرے سنگھیو گل نئیں بنڑی
پِتا گالی رکھنا پیسی
حسن ظہیر راجا
No comments:
Post a Comment
Note: only a member of this blog may post a comment.