جدید پنجابی پوٹھواری شاعری
سرگی ویلے دوڑ مسیرا
پہلی گڈی پوڑ مسیرا
گھار تے کاراں اِتھے رہسن
لبھسی آخر کھوڑ مسیرا
اُس نی گل تے اُس نا ہاسا
ایہہ اے ساڑا توڑ مسیرا
آخیا وی سا اُس کی نہ کر
ہُنڑ آپے کی لوڑ مسیرا
چِڑیاں شامیں اُڈری گیسن
اُس نا پِچھا چھوڑ مسیرا
ہور وی چنگے جاتک اے پر
نئیں کوئی تاڑا جوڑ مسیرا
اگّے ہجر نا ڈھونگا کھڈا
مِکی پچھے موڑ مسیرا
حسن ظہیر راجا
No comments:
Post a Comment
Note: only a member of this blog may post a comment.