جدید پنجابی شاعری
تند تانی نوں تانے ونڈدی پھِردی سی
تاں لوکاں نوں بانے ونڈدی پھِردی سی
کل میں تکیا بانجھ کُکھاں دی ڈھیری تے
گبھن رُت نیانے ونڈدی پھِردی سی
یار پنجابن! اج سخیاں دے میلے تے
نورجہاں دے گانے ونڈدی پھِردی سی
جُثے دا نئیں میل سی سچیاں روحاں دا
تائیوں جند پراہنے ونڈدی پھِردی سی
بھاڑا وی نہ منگیا بھٹھی والی نے
جیویں درد پرانے ونڈدی پھِردی سی
سڑکاں اُتے سُتے اکھیں ویکھے تے
بے گھر جند ٹکانے ونڈدی پھِردی سی
اوہدی یاد نوں ویکھاں تے اِنج لگدائے
اک تفتیشن تھانے ونڈدی پھِردی سی
حضرت شام
مصعب رفیق
No comments:
Post a Comment
Note: only a member of this blog may post a comment.