گیت
لائی بے قدراں نال یاری
تے ٹُٹ گئی تڑک کر کے
ہو بلے بلے
بچپن گیا جوانی آئی کِھڑیاں نے گُلزاراں
گلاں سُوہے رنگ وٹائے ٹہکن عجب بہاراں
پینگ ماہی دی جھُوٹن آئیاں مست الہڑ مُٹیاراں
وارو واری پینگ جھُوٹھیون کر کر ناز ہزاراں
جدوں آئی تتڑی دی واری
تے ٹُٹ گئی تڑک کر کے
ہو بلے بلے
لائی بے قدراں نال یاری
تے ٹُٹ گئی تڑک کر کے
جدوں سیؤ مست جوانی ہوش چ آون لگی
او جاگے بھاگ ماہی گھر آیا شگن مناون لگی
بھر کے پیگ دِتا دِلبر نُوں خُوشی مناون لگی
بُلہاں نال لگی جد پیالی ہائے
تے ٹُٹ گئی تڑک کر کے
ہو بلے بلے
لائی بے قدراں نال یاری
تے ٹُٹ گئی تڑک کر کے
چیتر چِت اچانک ماہی ویہڑے آن کھلویا
میں چُن چُن پھل اُمیداں والے سوہنا ہار پِرویا
چائیں چائیں چُک کے ہار نُوں نال گلے دے چھویا
بھیڑی نِکلی ڈور نکاری ہائے
تے ٹُٹ گئی تڑک کر کے
ہو بلے بلے
لائی بے قدراں نال یاری
تے ٹُٹ گئی تڑک کر کے
No comments:
Post a Comment
Note: only a member of this blog may post a comment.