جدید پنجابی پوٹھواری شاعری
عادت اودی بڑی کپتی
بدلیا نہیں او اِک وی رتی
خورے اودا منہ نیں سڑدا
اینی چاہ پیندا اے تتی
میرے حصے جیہڑی آئی
ویچ گیا اے او وی کھتی
باہر آ تیز ہنیری چلدی
بال کے رکھاں کیویں بتی
جدوں وی اوھدی لوڑ پئی آ
چڑھ کے بہہ گیا او پڑچھتی
گھر ہن اودا دل نیں لگدا
جدوں دی پلے پئی نکھتی
اودیاں یاداں دوڑ کے آیاں
کلی بہہ کے روں جدوں کتی
شمیم توں گل دا غصہ نہ کر
آکھناں پیندا مت کمتی
شمیم چودھری
No comments:
Post a Comment
Note: only a member of this blog may post a comment.