کلاسیکی پنجابی سرائیکی شاعری
ڈینہہ جمعہ تے وقت فجر دے لعل علیؑ دا جایا
جانون نال اوں لعل مٹھے دریا رحمت اچھلایا
گون و گون کھلی گُلکاری کرم کریم وسایا
حُوریں جوڑ بہشتوں سہرے گردوں حلقہ پایا
جبرائیلؑ امیں کوں رب سائیں دا یہ خاص بنایا
خود عربی لجپال محمدﷺ گِھن جھولی وِچ پایا
سر صدقہ اوں بنرے دا کیا مالک پاک ونڈایا
ملک تمام غلام بنے گھت دام امام پھنسایا
عوض مبارک بادی دے در جنت دا کُھلوایا
غرق تھیاں بیڑیاں کوں وی اوں دیہل کندی رب لایا
چکڑ بھریاں تھی چکڑیوں فارغ نُوری ویس وٹایا
آس پجی ادراسیاں دی مقصود پلے گِھن پایا
کئی دردوں آزاد تھیاں ناشاد ہجر مکلایا
مان بھریئے متوالے سید بار اُمت دا پایا
بخت علی کیا خوف کریجے، رہبر رب ڈیوایا
فقیر بخت علی بخت اویسی
No comments:
Post a Comment
Note: only a member of this blog may post a comment.