کلاسیکی پنجابی سرائیکی شاعری
گداگر ہاں مدینے دا نوا جانے نبیﷺ جانے
میڈا کم ہے صدا لانون عطا جانے نبیؐ جانے
توں پُچھ حاتم دا چالھی در ودا در در تے کاسہ جھل
میکوں ہے سئیں دا در کافی سخا جانے نبیؐ جانے
خدا ڈیوے نبیﷺ ڈیوے اے صیغہ ہے سخاوت دا
میں گِھنڑنے حق مقدراں دا خدا جانے نبیؐ جانے
شہر دی دُھوڑ زُلفاں تے مثلِ تاجِ سکندر ہے
عقیدت دے عقیدے دی انا جانے نبیﷺ جانے
گنبدِ خضریٰ جڈاں ڈیہداں اکھیں دا نور ودھ ویندے
حرم دے صحن دی مِٹھڑی ہوا جانے نبیؐ جانے
تیکوں راشد بُھلیکا ہے نبیﷺ کُجھ ڈے نہیں سگدا
اُٹھا کے ہتھ چاء بھولا بھن دُعا جانے نبیؐ جانے
سعید احمد راشد ڈیروی
No comments:
Post a Comment
Note: only a member of this blog may post a comment.