جدید پنجابی سرائیکی شاعری
نبی سونہڑے دی چاہت وِچ جو مصرعے تھیندے ویندے ہن
اِرم دے باغ وِچ میڈے وی رقبے تھیندے ویندے ہن
محمدﷺ دے ملنگاں دی کرامت ہے میرا سونہڑاں
"نظر جیں تے وی اُٹھدی ہے سویرے تھیندے ویندے ہن"
علومِ شہر دی اولاد دے دم توں زمانے وِچ
مساجد ہن مصلہ ہن تے سجدے تھیندے ویندے ہن
ڈسیندے ہن میکوں حاجی خدا دی پاک دھرتی تے
بیگانے لوک وی اوں جا تے اپنڑے تھیندے ویندے ہن
خداوند دی اجازت نل جنابِ مرتضیٰ اوتے
میں جو وی شعر لکھدا ہاں قصیدے تھیندے ویندے ہن
سید مرتضیٰ زمان گردیزی
No comments:
Post a Comment
Note: only a member of this blog may post a comment.