جدید پنجابی شاعری
جے تُوں بِیبا پاپ نہ چھڈے
ویلا گردن ناپ ناں چھڈّے
یاد ہوا دے وانگوں آوے
پیراں دی وی چاپ ناں چھڈّے
اوہنوں جے میں بُھلنا چاہواں
دھڑکن اوہدی تھاپ ناں چھڈّے
لکھاں جِن ڈراؤندے رہے پر
دل نے تیرے جاپ ناں چھڈّے
کیویں وِچ پردیس دے جِیواں
مینوں اوہدا تاپ ناں چھڈّے
ڈردیاں ڈردیاں دُکھ سُناواں
محفل وِچ الاپ ناں چھڈّے
جاوید عارف
No comments:
Post a Comment
Note: only a member of this blog may post a comment.