جدید پنجابی شاعری
وِچھڑن آلی گَل کِیہ اے
چل چلیے نا رل، کیہ اے
ہر شے دا حل ہوندا اے
پیار کرن دا حل کیہ اے؟
چوراں وانگوں کیوں مِلیے
جھلیا! وِچلی گل کیہ اے
اج ای مینوں سِینے لا
کِنّے ویکھی کل کیہ اے
دل نُوں میرے ہول پیا
دس نا تیرے ول کیہ اے
سُک گئے بُوٹے آساں دے
وسّوں اندر تھل کیہ اے
جی کے تینوں دَساں گی
پُچھیں گا تُوں ول کیہ اے
ردا فاطمہ
No comments:
Post a Comment
Note: only a member of this blog may post a comment.