جدید پنجابی سرائیکی شاعری
کہیں بھرا دی منیج گئی ہوسی
ویڑھے کندھی ڈویج گئی ہوسی
اوں آلایا ہا سچ بھراویں کوں
میکوں لگدئے مریج گئی ہوسی
پیو دا ورثہ زمین ست مرلے
مرلہ مرلہ ونڈیج گئی ہوسی
بھوئیں تے پہلا قدم پچھیں آؤسی
موت پہلے لکھیج گئی ہوسی
او تاں مٹی دے نال مٹی تھئی
سیج اوندی لٹیج گئی ہوسی
میکوں آکھس توں آپ چا آویں
میڈی چنی رنگیج گئی ہوسی
زخم بانہہ دا ہنڑیں نظر آئے می
ونگ شاید بھنیج گئی ہوسی
ناں لکھیا ہا میں جیں اتے امجد
او پتنگ وی کٹیج گئی ہوسی
امجد بلوچ
No comments:
Post a Comment
Note: only a member of this blog may post a comment.