جدید پنجابی شاعری
دعاواں ختم ہو گئیاں, دوائیاں ختم ہو گئیاں
خداواں آپ کہہ چھڈیا خدائیاں ختم ہو گئیاں
جو ساڈا قتل کردے سن تے اپنے گھر نوں بھردے سن
اوہ مُورکھ آکھدے نیں اج، کمائیاں ختم ہو گئیاں
جنہاں دے ہتھ میں چُمنے سن جنہاں دے پیر گُھٹنے سن
اوہ بُڈھڑے ختم ہو گئے نیں، اوہ مائیاں ختم ہو گئیاں
میں کنکاں ویکھ کے روناں کہ واہڈی کر نہیں سکدا
کہ ماں جو روٹیاں راتیں پکائیاں ختم ہو گئیاں
میں ساری رات تکدی رئی، نہ آیا موتیاں والا
اخیری پہر جو پیڑاں ہنڈائیاں ختم ہو گئیاں
حفیظ عامر
No comments:
Post a Comment
Note: only a member of this blog may post a comment.