بھار ونڈانے پیندے نیں
آپے لائیاں لیکاں تے
ویری مگروں لہہ گئے تے
اپڑاں گے فر پیکاں تے
جنہاں لئی چین گنوایا
اوہ وی کہن پھٹیکاں تے
وعدے کر کے آئے نئیں
جھوٹے فیر تریکاں تے
سکھ دا ساہ وی آوے گا
چمبڑیاں لہن کتیکاں تے
جو دل تے وار ہوئے سی
چلے وار شریکاں تے
رج کے درشن ہوون گے
اپڑاں گے تیرے تیکاں تے
شمع دل تے چھالے نیں
صبریں لائیاں ڈیکاں تے
شمع رانا
شمع راجپوت
No comments:
Post a Comment
Note: only a member of this blog may post a comment.