مٹی دیا باویا کاہدا تینوں مان اے
دم دا بهروسہ نئیں ایہہ تیری شان اے
مٹی دیا باویا کاہدا تینوں مان اے
دهوکے تے فریب نے مت تیری ماری اے
من وِچ کهوٹ تیرے، منہ اتے داڑھی اے
کم نئیں کوئی چنگا تیرا، کاہدا انسان اے
مٹی دیا باویا کاہدا توں انسان اے
کِتے موسیٰ کِتے توں فرعون بن بہناں ایں
کدی کدی اپنے نوں رب وی توں کہناں ایں
بهُلیا اے تینوں توں جگ تے مہمان اے
مٹی دیا باویا کاہدا تینوں مان اے
اگلے جہاں تیرے کم کسے آؤنا نئیں
کسی سکے سودهرے نے تینوں بخشونا نئیں
جنہے بخشانا تینوں تیری اوہ زبان اے
مٹی دیا باویا کاہدا توں انسان اے
مر جانا جدوں رولا ساریاں نے پانا اے
چیهتی چیهتی کرو اینوں کدوں لے کے جانا اے
کِناں لئی کهولی توں جهوٹ دی دکان اے
مٹی دیا باویا کاہدا تینوں مان اے
دم دا بهروسہ نئیں ایہہ تیری شان اے
عبداللہ سفیر
No comments:
Post a Comment
Note: only a member of this blog may post a comment.