شیشے دے نیں پر، تے آلنا پتھراں دا
اوکھا شیشے سنے سنبھالنا پتھراں دا
بے درداں نوں درد سنانا ایسراں ایہہ
جسراں دیوے اُتّے بالنا پتھراں دا
جیہڑا خالق جگنو پُھل تے تتلی دا
ایوی جانے کسراں بالنا پتھراں دا
پتھراں دے وچ رہندا آخر سِکھ لیندا
شیشے ورگا جی وی، پالنا پتھراں دا
پُکھ دا مطلب تیری سمجھ اِچ آجاوے
تینوں جے کر پوے اُبالنا پتھراں دا
پتھر دے سن گھر وسنیک وی پتھر دے
روٹی پتھر دی سی، سالنا پتھراں دا
پندھ عطا دا سارا ای پتھریلا سی
دسّو آؤندا کسراں ٹالنا پتھراں دا
عطاء العزیز
No comments:
Post a Comment
Note: only a member of this blog may post a comment.