جدید پنجابی شاعری
میں کلا تے توں وی کلا
کوئی نا رشتے دار بنایا
ما پے دھیاں پتر سب کُجھ
ایویں ای اک وچار بنایا
تُوں، میں دا، تُو رولا پایا
اپنے ای دل تے بھار بنایا
ویکھیں جے کر رب یگانہ
دوجا کوئی نئیں یار بنایا
اکھ تِری دا دھوکہ ہے سب
آر نہ کوئی پار بنایا
جسم وی نئیں نہ روح کوئی شئے
تِرے تے وقت ادھار بنایا
کُل جہاناں پَھولن کارن
تینوں ہِک اوزار بنایا
اپنا آپ نکھیڑ کہ سعدی
اکھیاں لئی دیدار بنایا
عمر سعدی
No comments:
Post a Comment
Note: only a member of this blog may post a comment.