جدید پنجابی شاعری
سبھ توں وکھرا لگدا اے
تاں تے چنگا لگدا اے
تیرا جد دا بنیا واں
ہر کوئی اپنا لگدا اے
ہس کے ماں نہ بولے تے
رب وی رُسیا لگدا اے
دو ہتھڑ پئے پِٹدے جے
پہلا صدمہ لگدا اے
نظریں جے نہ آویں تے
چانن نھیرا لگدا اے
کِھڑ کِھڑ ہسدا پِھردا اے
اندروں ٹُٹیا لگدا اے
گھر جے آٹا ہووے تے
سبھ کجھ اچھا لگدا اے
ماڑے حق پئے منگدے نیں
تینوں غصہ لگدا اے
نبیل نابر
No comments:
Post a Comment
Note: only a member of this blog may post a comment.