اکتارے والیا بابا
دو تُکاں سنا جا ہیر دیاں
مرزے دے جنڈ کریر دیاں
یاں کھیوے خان شمیر دیاں
رانجھے تے پے گئی بھیڑ دیاں
یاں کسے چوچک جٹ امیر دیاں
اکتارے والیا بابا
دو تُکاں سنا جا ہیر دیاں
یاں شیخ فرید کبیر دیاں
یاں رائے بلار دے پیر دیاں
اس نانک شاہ فقیر دیاں
یاں سائیں میاں میر دیاں
کسے خداوند راہگیر دیاں
اکتارے والیا بابا
دو تُکاں سنا جا ہیر دیاں
چولے توں پاٹی لیر دیاں
کھنڈے نال بنی لکیر دیاں
پنجے توں پنجویں پیر دیاں
یاں نلوے دی شمشیر دیاں
یاں مہاراجے رنویر دیاں
اکتارے والیا بابا
دو تُکاں سنا جا ہیر دیاں
یاں ہاشم شاہ سرکار دیاں
یاں پیلو جئے سردار دیاں
یاں پورن قادر یار دیاں
یاں چرن لکھاری پار دیاں
کسے پاک پنجابی ویر دیاں
اکتارے والیا بابا
دو تُکاں سنا جا ہیر دیاں
چرن لکھاری
