جے توں بیبا پاپ نہ چھڈے

 جدید پنجابی شاعری

جے تُوں بِیبا پاپ نہ چھڈے

ویلا گردن ناپ ناں چھڈّے

یاد ہوا دے وانگوں آوے

پیراں دی وی چاپ ناں چھڈّے

اوہنوں جے میں بُھلنا چاہواں

دھڑکن اوہدی تھاپ ناں چھڈّے

بے کسو مظلومو ساڈے نیڑے آؤ

 جدید پنجابی شاعری

بے کسو، مظلُومو ساڈے نیڑے آؤ

ظالمو تے فِرعونو ساتھوں دُور ہو جاؤ

ویلے دے نمرُوداں دے نال جنگ اساڈی

سانوں دہشت گردی دے نہ کھاتے پاؤ

انساناں دِیاں کھلّاں نوچن والیو لوکو

سانوں انسانیت دا نہ سبق سِکھاؤ

نہ رہیں دن مہینے تے سال نہ رہیں

 جدید پنجابی پوٹھواری شاعری

عید

نہ رہیں دن مہینے تے سال نہ رہیں

پل دو پل دل ٹھار کے چلا جایاں

اپنی بے رُخی تے میری بے بسی دا

سارا قرض اُتار کے چلا جایاں

ویلا خُوشی دا ای اس تھیں بعد بیشک

بُوہے چاہواں دے مار کے چلا جایاں

اوہدی قدرت عیاں ہے ہر پاسے

جدید پنجابی پوٹھواری شاعری

حمدیہ کلام

اوہدی قدرت عیاں ہے ہر پاسے

پر نہ وِچ تصور تصویر اُترے

کدے قلم بن لوحِ محفوظ اُتے

کدے اکھر بن وِچ تحریر اُترے

برگ و گُل کدی بادِ صبا بن کے

کدے پتھراں دا سینہ چِیر اُترے

پڑھیا عشق دا سبق چروکناں اے

 جدید پنجابی پوٹھواری شاعری

پڑھیا عشق دا سبق چروکناں اے

سینہ تان میداناں وچ اڑی دا اے

رکھ جان ایمان مضبوط اندروں

آہنی عزم رکھ منزل وچ پڑی دا اے

آندا اوج کمال زوال توں بعد

زندگی نال زوال دے جڑی دا اے