پت جھڑ آوے تے رُکھاں دی اِنج رکھوالی رکھنا
پتراں دی تھاں بال کے دِیوے، ڈالی ڈالی رکھنا
من تے سلوا آون دِیاں فیر آساں لا لا سونا
اپنے گھر دے سارے بھانڈے خالم خالی رکھنا
رنگاں تے کنسوواں والا موسم پرت نہیں آونا
اندر دی چُپ توڑن، دِل دی واج پچھانن خاطر
باہر دے رولیوں پل دو پل لئی ذہن تُوں خالی رکھنا
نویں دور دیاں لوکاں سانجھے دُکھ دی ریت مُکائی
ایس سمے وِچ اپنے اپنے دُکھ سنبھالی رکھنا
مُک نہ جاوے دھرتی اُتوں رِیت دُعاواں والی
مُونہوں بھاویں کُج نہ منگنا نین سوالی رکھنا
اپنے گھر دا بھرم خلشؔ! جی کدی نہ ٹُٹن دینا
جثہ بھانویں پیلا پے جائے مُونہہ تے لالی رکھنا
طفیل خلش
