پئی کھڑکے اِکو تار تے خبراں مُک گئیاں
سب رَتو رَت اخبار تے خبراں مُک گئیاں
ہُن ہاڑے لمّی چِیک دی پَوڑی چڑھ گئے نیں
ہُن حرف ہوئے بیکار تے خبراں مُک گئیاں
کیہ تن دا دَسئے حال میاں اِس نھیری وچ
کوئی ہُندا زخم نشان وکھاؤندے دُنیا نُوں
اُس ماری گُجھی مار تے خبراں مُک گئیاں
جد جنگ سی ویری نال کہانی ٹُردی سی
سجناں دے اِکو وار تے خبراں مُک گئیاں
کجھ دن تاں عشق چ اپنی اُگھ سُگھ مِلدی رہئی
جاں اَپڑے ادھ وچکار تے خبراں مُک گئیاں
اوسے دی ڈَونی وجدی رہئی ہر چینل تے
جد آئی ساڈی وار تے خبراں مُک گئیاں
کیہ سُفنے دی رُوداد سناوے دل عالیؔ
نیندر دی پہلی ہار تے خبراں مُک گئیاں
جلیل عالی
No comments:
Post a Comment
Note: only a member of this blog may post a comment.