نوحہ
ناناؐ تیرے وسدے شہر وچوں شبیرؑ مسافر چلیا
تیرے کلمہ گو نئیں رہنڑ دیندے تیرے جگر دے ٹکڑے نوں
سنگ بالا تے مستوراں دے تیرے دین دا ناصر چلیا
صغراؑ دی بنی مجبوری ایہدی شکل بتولؑ دی پوری
متاں لوکی سمجھن زہراؓ اے وچ شام بازاراں دے
جتھے لکھنا سی بسم اللہ، اوتھے لکھ کے اناللہ
وچ کرب و بلا دی نگری دے گھر بار لٹاونڑ لئی
ہائے لے فہرست مسافراں دی درداں دا سوداگر چلیا
جدوں جندرے گھراں نوں لائے اے وینڑ بیمار نے پائے
کوئی رب دے واسطے امڑی نوں میرا پیغام پہنچاوے
میں کیویں ویر کھڈاواں گی میرا ویر علی اصغرؑ چلیا
بچ جانڑا اے دین خدا دا گھر اجڑ جانڑا زہراؑ دا
غازیؑ نوں جنگ نہ کرن لئی شبیرؑ پابند کیتا
تائیوں اصغرؑ بے شیر جئے لے نال بہادر چلیا
جدی خاطر پاک رسولؐ اے سجدہ چا کیتا طولے
سبحانہ ربی الاعلیٰ کیا ستر دفعہ احمدؐ نے
اخترؔ شبیرؑ اج ستراں دی تاں دینڑ بہتر چلیا
اختر حسین اختر
No comments:
Post a Comment
Note: only a member of this blog may post a comment.