رل گئی ساڈی رول طبیعت رنگ پور وِچ
پئے گئی ساکوں پیار دی عادت رنگ پور وِچ
اینویں سمجھو ساڈا مُرشد رانجھا ہے
اَساں کرنی پیار دی بیعت رنگ پور وِچ
رُوح کوں سِک ہے پیار دیاں پینگھاں جُھوٹن دی
عشق کریجے، کنیں بُندے پئے ویندن
ساتھے کُھلی ڈھول حقیقت رنگ پور وِچ
سانول تیکوں ڈیکھیں ہر ہِک جاہ مِلسی
پیار دے وچ بھرپور صداقت رنگ پور وچ
جوگی ویس تے کنیں بُندے کیا باتاں
دنیا ڈِٹھی عشق دی طاقت رنگ پور وِچ
چپہ چپہ وَستی وَستی پِھر ڈیکھیں
کہیں جاہ وی نہ مِلسی وحشت رنگ پور وِچ
ساحرؔ اپنے پیار دا رنگ پور نہ چُھڑوا
بَن کے رَہسوں تیڈی رعیت رنگ پور وِچ
ساحر رنگپوری
