اساں ہوسوں یا نہ ہوسوں وت وی ساونڑ آسن
چلکدے وہیے ساڈی وستی پنڈوں کھاونڑ آسن
جتنا لوک بندوقاں چا کے راہ پئے ڈکن بھانویں
لعلن سئیں دا وت وی کونجاں پھیرا پاونڑ آسن
غم دے موسم مُکنڑ والِن خشیاں جھڑ تھی ولسن
نبلے دی ما ڈیکھی رکھیں اے کولے نہ وسمن
پوہ دی رات ہے نال دے گھر دے بھاہ وی چاونڑ آسن
سیج توں پہلے جیندا بنرا رزق دی گول اچ ماریا
سوچے بیٹھی کڈاں سوہرے میندی لاونڑ آسن
بُکھے بھانڑے کہیں زردار دا گھر پئے ڈیکھ سجیندن
جتھاں اج کہیں محل دے راجے کھانڑا کھاونڑ آسن
ساحر رنگپوری
