مائے نی مائے میرے گیتاں

مائے نی مائے، میرے گیتاں دے نیناں وچ، برہوں دی رڑک پوے

ادھی ادھی راتی اُٹھ، رون موئے متراں نُوں، مائے سانُوں نیند نہ پوے

بہہ بہہ شوگندھیاں اچ، بنا پہچاننڑی دے، تاں وی ساڈی پیڑ نہ سہوے

کوسے کوسے ساہواں دی میں کراں جے ٹکور مائے، سگوں سانُوں کھانڑ نُوں پوے

آپے نی میں بالڑی ہاں، ہالے آپے متاں جوگی، مت کیہڑا ایس نُوں دوے

آکھ سُو نی مائے جی نُوں، رووے بُل چتھ کے نی، جگ کتے سُنڑ نہ لوے

آکھ سُو نی کھائے ٹُک، ہجراں دا پکیا، لیکھاں دے نے پُٹھڑے توے

چٹ لے تریل نُوں وی، غماں دے گلاب تُوں ای، کالجے نُوں حوصلہ رہوے

کیہڑیاں سپیریاں توں، منگاں کونج میل دی میں، میل دی کوئی کونج دوے

کیہڑا اناں غماں دیاں، روگیاں دے دراں اُتے، وانگ کھڑا جوگیاں رہوے

پیڑے نی پیڑے، ایہہ پیار ایسی تتلی ہے، جیہڑی سدا سُول تے بہوے

پیار ایسا بوہڑ ہے نی، جیدھے کولوں آشنا وی، لکھاں کوہاں دُور ہی رہوے

پیار اوہ محل ہے نی، جیدھے وچ پنکھواں دے، بعج کجھ ہور نہ رہوے

پیار ایسا آنگناں ہے، جیدھے وچ وصلاں دا، رتڑاں نہ پلنگ ڈھوے

آکھ مائے ادھی ادھی، راتیں موئے متراں دے، اُچی اُچی نام نہ لوے

متے ساڈے موئیاں پچھوں، جگ ایہہ شریکڑا وی، گیتاں نُوں وی چندرا کہے

شو کمار بٹالوی