پنجابی پوٹھواری پوٹھوہاری پہاڑی شاعری
دل چوں خوف ہِجر نی جانڑاں
وِچھڑ جانڑے ناں ڈر نی جانڑاں
ہر ویلے پئے تسبیح رولنڑ
پر اندر ناں شَر نی جانڑاں
کفنے نی کوئی جیب نی ہونڑی
نک نی خاطر سِر وی دینڑاں
پِڑ چھوڑی کہ نَر نی جانڑاں
اَکھیاں چوں پئے ساونڑ بَھرنے
پر دِلے ناں تَھر نی جانڑاں
اُس نے دَر تے بیٹھا رہساں
جَد تک لیکھ سنور نی جانڑاں
بہوں چِر پہلاں لُٹّے گئے ساں
اندروں حالیں ڈر نی جانڑاں
باہر سکون پیئا لوڑنا عامرؔ
کیہاں رَب نے گھر نی جانڑاں
عامر حبیب عامر
No comments:
Post a Comment
Note: only a member of this blog may post a comment.