اَکھیں چُمن، دل نُوں لگن یار دے سجرے غم
اوہنُوں آکھو گھلی رکھے مینُوں اپنے غم
وعدہ کر کے نئی آؤندا میں راہواں تکدا رہناں واں
اَکھاں دے وِچ کنجری وانگوں نچدے رہندے غم
اوہنُوں بُھل اے سُٹ کے مینُوں اوہ وی وسدا رہسی
رَت وی پِیندے، مار چھڑیندے، یار! وچھوڑے غم
اَج وِی چھیڑو دُھپے بہہ کے سر تے رکھیاں بانہواں
مَن دے کِکراں بُور نہ چایا بن ہنجواں دے غم
ناصرؔ اوہنوں سُورج آکھو، چَن آکھو یا جگنو
راتیں راہ وکھاون سانُوں ڈِیوا بال کے غم
ناصر ملک
