دُھپ کدے وی جِسراں چھاں نہیں ہو سکدی
سَکّی جیہئی مَتریئی ماں نہیں ہو سکدی
شیشہ ویکھ کے آپ وی جس تے مردے او
اوہ مُسکانی میرے ناں نہیں ہو سکدی؟
ہاں نہ کردا تے میں کافر ہو جاندا
انج اُس پُچھیا کیوں جی ہاں نہیں ہو سکدی
تیرے باجھوں جینے دا میں سوچاں وی
نہیں نہیں ایہہ گَل میری جاں نہیں ہو سکدی
جتھے حاکم ہک دے ٹل تے بن جاون
اوتھے پرھیا جھوٹھے داں نہیں ہو سکدی
جنت انجمؔ کہہ کے گَل مُکا چھڈی
ماں دے قدماں ورگی چھاں نہیں ہو سکدی
انجم رانا
