پنجابی پوٹھواری پوٹھوہاری پہاڑی شاعری
اپنی اپنی سب پئے بانے، تُوں وی تے کُج بول یرا
چپ تروڑ تے سامنے آ ہوٹھاں نیں جندرے کھول یرا
اس تواڑی دھرتی پر اُڈرن اوپرے چوپرے جئے پکھلو
تُوں صدیاں نا ڈریا مریا کدے تے تُوں پَر تول یرا
سُن سُن کے ایہہ بول بدیسی اپنی بولی پُلیاں ناں
دھن دولت تے چنگا چوکھا ہور کُرے کیوں لوڑنا ایں
اِس دھرتی وِچ ہیرے موتی اِنہاں کی تکھ پھرول یرا
چُپ چویتا کلم کلا ایہہ کوئی گل تے نئیں سنگیا
یا ماڑے نال جُل یا اپنے نال مِیکی وی جول یرا
خیبر تے پختون ہزارہ، ساریاں وازاں سُنناں ایں
ایہہ صوبہ پوٹھوار قدیمی اس نیں حق وِچ بول یرا
جاوید احمد
No comments:
Post a Comment
Note: only a member of this blog may post a comment.