میں نئیں مندا
میں نئیں مندا ایس دستور نوں
جیہڑا سڑکاں تے رولے جمہور نوں
روٹی کپڑا مکان نئیں ملیا
دھرتی نال اسمان نئیں ملیا
کی کراں میں تیرے منشور نوں
جو سجن نہیں غریب عوام دا
جس رولیا بڑا مزدور نوں
میں یار غریب دے یار دا
نئیں حامی سرمایہ دار دا
جیہڑا دھکے مارے مجبور نوں
میرے دیس وچ آ وڑیا اے
جنوں ویکھ کے دل میرا سڑیا اے
ڈانگاں مارو امریکی سور نوں
میں نئیں مندا ایس دستور نوں
جیہڑا سڑکاں تے رولے جمہور نوں
سانوں لٹیا بڑا لُٹیریاں
ایناں خاناں نالے وڈیریاں
فیر مندے نئیں اپنے قصور نوں
میں نوکر نئیں سرکار دا
نا شاعر آں تیرے دربار دا
کویں کراں سلام حضور نوں
میں بندہ سچے رب دا
پھراں اپنے آپ نوں لبدا
جاگ آ گئی میرے شعور نوں
میں شاعر غریب عوام دا
مینوں ڈر نئیں کوئی حکام دا
نئیں خوف سی جویں منصور نوں
مینوں عارف پروہناؔ آکھدے
مینوں چنگیاں ڈاہاں وچ راکھ دے
عارف شاہ پروہنا
No comments:
Post a Comment
Note: only a member of this blog may post a comment.