اکھر تیر بناویں ناں
گُجیاں سَٹّاں لاویں ناں
یار گواچے لبھدے نئیں
میلے چھڈ کے جاویں ناں
اوتھے عشق دا ڈیرہ ای
اکھیاں اوہلے دنیا دے
ایدھر جھاتی پاویں ناں
چنگی اے پر اپنی نئیں
دل دنیا نال لاوین ناں
ڈُبّن والے تردے نے
بنّے بنّے جاویں ناں
پُھلاں نال جے رہنڑاں ای
کنڈیاں توں گھبراویں ناں
اے تے رات دے اتھرو نیں
خاباں دے وچ آویں ناں
دل دا کعبہ ڈھایا توں
ہونڑ مسِیتی جانویں ناں
سجّے کھبّے تیرا غم
بانہواں توڑ کے جاویں ناں
رنگ برنگی دنیا دا
دل تے رنگ چڑھاویں ناں
مینہ ورھدا اے پتھراں دا
گھر وِچ بیری لاویں ناں
تاباںؔ ویلا کیدو ای
روپ دا دھوکا کھاویں ناں
عبدالقادر تاباں
No comments:
Post a Comment
Note: only a member of this blog may post a comment.