دل فردوس گلزار ہونا چاہی دا
وچ سوہنے الله جی دا یار ہونا چاہی دا
آقاؐ آقاؐ کری جاواں رہوے مینوں ہوش نہ
ایہو جیہا عشق دا بخار ہونا چاہی دا
سفنے چہ آن کے جگاؤن اوہ نصیب نوں
اکھیاں چہ ساوا اوہ مزار ہونا چاہی دا
تک تک دل ٹھنڈا ٹھار ہونا چاہی دا
پھساں تے بچاوے آ کے دوزخاں دی اگ توں
نبیاںؑ دا نبیؐ غمخوار ہونا چاہی دا
حشر دیہاڑے چاہواں بدلہ درود دا
رب نال ماسہ کو ادھار ہونا چاہی دا
آپ دیاں ویریاں دی نسل ای مٹا دیاں
اکھراں نوں میرے تلوار ہونا چاہی دا
ڈکدا اے راہ جیہڑا، پاؤندا جو پسوڑیاں
اوہدے تے دروداں والا وار ہونا چاہی دا
پپھل اے درود دے، سلاماں دیاں کلیاں
نعتاں والا بس لالہ زار ہونا چاہی دا
نبیؐ دیاں راہواں اُتے جیہڑا ٹڈھوں چلدا
پکا سچا اوہنوں فنکار ہونا چاہی دا
اسیں تیرے نبیؐ جی دی آل دے غلام ہاں
ربا ساڈا بیڑا ہُن پار ہونا چاہی دا
نبیؐ دا میلاد جیہڑا کُھل کے مناؤندا نئیں
اوہدے کولوں دل اوازار ہونا چاہی دا
ہر ویلے جیہڑا وی منیرؔ نعت لِکھدا
شاعراں دا اوہنوں دلدار ہونا چاہی دا
ارشد منیر
No comments:
Post a Comment
Note: only a member of this blog may post a comment.