سُن چرخے دی مٹھی مٹھی گُھوک
ماہیا مینوں یاد آؤندا
میرے دل وچوں اُٹھدی اے ہُوک
ماہیا مینوں یاد آؤندا
میری عید والا چَن کدوں چڑھے گا؟
دُکھ ڈاھڈے نیں تے جندڑی ملُوک
ماہیا مینوں یاد آؤندا
سُن چرخے دی مٹھی مٹھی گُھوک
ماہی آوے گا تے خوشیاں مناواں گی
اوہدے راہاں وچ اکھیاں وچھاواں گی
جان چھڈی اے وچھوڑیاں نے پُھوک
ماہیا مینوں یاد آؤندا
سُن چرخے دی مٹھی مٹھی گُھوک
طعنے ماردے نیں اپنے شرِیک وے
لکھیں چٹھی وچ آؤن دی ترِیک وے
کالی رات والی ڈنگے مینوں شُوک
ماہیا مینوں یاد آؤندا
سُن چرخے دی مٹھی مٹھی گُھوک
کٹاں پونیاں تے ہنجُو میرے وَگدے
ہُن ہاسے وی نئیں مینوں چنگے لگدے
کیویں بُھل جاواں اوہدے میں سلُوک
ماہیا مینوں یاد آؤندا
سُن چرخے دی مٹھی مٹھی گُھوک
ماہیا مینوں یاد آؤندا
میرے دل وچوں اُٹھدی اے ہُوک
ماہیا مینوں یاد آؤندا
No comments:
Post a Comment
Note: only a member of this blog may post a comment.