کیا خبر ہئی فقیر تھی ویسی
یار وی بے ضمیر تھی ویسی
عشق اتنا شریر تھی ویسی
پگ میڈی لیر لیر تھی ویسی
میں ادا کرنڑیں قرض زندگی دا
زیر ڈیندیں تاں اپنڑیں ہتھی ڈے
او میڈے کیتے کھیر تھی ویسی
کیا پتہ ہئی اے شودے رانجھے کوں
جو جدا اوں توں ہیر تھی ویسی
توں ملاقات چاہندیں جے رب دی
اپنڑیں سینے کو چیر، تھی ویسی
رب دا ناؐ ہئی نقاب کر، ناں تاں
شہر سارا اسیر تھی ویسی
فیضؔ لکھسیں غزل جے خون دے نال
شعر ہر بے نظیر تھی ویسی
فیض بلوچ
No comments:
Post a Comment
Note: only a member of this blog may post a comment.