میڈی وَستی اینجھی وَستی
جیندے اندر
نِموں، کِکّر، ٹالہیاں وی ہِن
جالیں پیلہوں والیاں وی ہِن
ڈیلہے نال کرینہہ وی ہِن پئے
ٹولہیاں دے کئی جَھنڈ وی ہِن پئے
ہسدے کھلدے جَنڈ وی ہِن پئے
دھرتی رَجی کَجی ہے پئی
پِپل ہِن پئے کَھجی ہے پئی
پر ہِک ڈُکھ ہے
بھانویں نال چنانہہ دی منڑ ہے
چار چفیرے ونڑ ہی ونڑ ہے
لبھسو بے شک تاں ناں لبھسی
کہیں پاسے کوئی چھاں نہ لبھسی
ساحر رنگپوری
No comments:
Post a Comment
Note: only a member of this blog may post a comment.