آپنے آپ نال
دل دے بُوہے کھول وے ارشد
ساہنواں رکھ کے تول وے ارشد
ایویں جَگ ڈھونڈیندا پِھردا ایں
تیرا، تیرے کول وے ارشد
ساہنواں نال نیں سانجھاں سبھے
لنگھ گئے سمے وفاواں والے
پِھردا ایں تول انبھول وے ارشد
اَگّاں بلدیاں چارے پاسے
بول توں مِٹّھے بول وے ارشد
تے ماواں دی جنت ورگی
ایہہ رِشتہ انمول وے ارشدؔ
ارشد اعوان
No comments:
Post a Comment
Note: only a member of this blog may post a comment.