جی او ٹہڈا جی کھائی جا سب حلوے مانڈے

جی او ٹِہڈّا جی

کھائی جا سب حلوے مانڈے

روٹی ویہڑے چَول ورانڈے

بھاویں گھار تے بھاویں وانڈے

اندر سُٹ چھ درجن آنڈے

اُتّوں لسّی پی، جی او ٹِہڈّا جی

کُکّڑ مِلّیا رَبّ سبّبی

رکّھاں دوویں لَتّاں دَبّی

اِنج میں ہڈّی ہڈّی چَبّی

جس طرح پہلاں کدّی نئیں لبّی

مُنہوں نِکلے سِی، جی او ٹِہڈّا جی

پانہویں چانن پانہویں نہیرہ

جِتّھے روٹی اوتھے ڈیرہ

نہ کُجھ اودھا نہ کجھ تیرا

سب تُوں اَگّے ٹِہڈ اے میرا

نہ پُتّر نہ تِہی، جی او ٹِہڈّا جی

چِہلم کوئی نہ جنج کساواں

ہر تمبُو وِچ وَڑدا جاواں

جِتّھوں لبّن کھیراں کھاواں

ویلا بِہہ کے ہِیراں گاواں

ہور کراں میں کی، جی او ٹِہڈّا جی

سلمان باسط