جے تُوں اکھیاں دے سامنے نئیں رہناں
تے بِیبا ساڈا دل موڑ دے
کر بیٹھی سجناں بھروسہ تیرے پیار تے
روہڑ بیٹھی دل وے میں تیرے اعتبار تے
اساں نِت دا وچھوڑا نیئوں سہناں
انج دُور دُور رہ کے نیئوں جَھٹ لنگھناں
اساں دید بنا نئیں کُجھ ہور منگناں
اینویں نِکا جئا مننا نئیں کہناں
تے بِیبا ساڈا دل موڑ دے
تینوں چاہدے نے دل والے بھید کھولنے
اساں تیرے نال کئی دُکھ سُکھ بولنے
ساڈے کول نئیں تُوں گھڑی پل بہناں
تے بِیبا ساڈا دل موڑ دے
تیری مرضی اے ساڈے نالوں وَکھ ہون دی
ساڈی مرضی اے تیرے پچھے ککھ ہون دی
دُکھ پچھلا ہی جوگی سانوں دیناں
تے بِیبا ساڈا دل موڑ دے
جے تُوں اکھیاں دے سامنے نئیں رہناں
تے بِیبا ساڈا دل موڑ دے
انور حسین جوگی
No comments:
Post a Comment
Note: only a member of this blog may post a comment.