کُڑیاں
کچیاں کنواریاں
سوہنیاں نے ساریاں
مِشری توں مِٹھیاں
کھٹیاں تے کھاریاں
کَکھاں نالوں ہولیاں
پر میں ویکھیا اے
سب نیں وچاریاں
عُمراں نُوں روندیاں
رہندیاں نگھاریاں
تھک، تھک سٹدے
مٹھیاں، کراریاں
لیکھاں نوں اے کوسدیاں
رہندیاں نیں ساریاں
بُھک ساڈھے جثیاں دی
کور، کور ڈنگدی
اِنہاں بعد ساڈی اِک
گھڑی وی نہ لنگھدی
ساڈھا اے خیال اے
اے وے کھڈاونا
جے اِس ٹُٹنا
نواں لے آونا
اسیں نی سمجھدے
ایدھے جذبات نُوں
کدھی وی نی سن دے
ایدھی گل بات نوں
کُجھ نی بولدی
بول نئ سکدی
منہ چ زبان اے
ہلا نئ سکدی
اسیں گناہگار آں
اسیں نی سمجھدے
روٹی نَل کدے وی
رُوح نی رَجدے
سلیم فگار
No comments:
Post a Comment
Note: only a member of this blog may post a comment.