میرے سُفنے ہار گئے نیں
دُکھ دُنیا دے مار گئے نیں
کنّے تاریاں چھالاں مارِیاں
تھوڑے سَن جو پار گئے نیں
اکھِیں ویکھن والے لوکی
ہمت والے بندے اکثر
ڈُبدی بیڑی تار گئے نیں
تیرے وِچھڑن دا وی غم سی
جگ دے طعنے مار گئے نیں
کدی کدی تے اِنج لگدا اے
ساڈے ساہ بے کار گئے نیں
حرفاں دی منڈی لگدی اے
حرف نمانے ہار گئے نیں
ساڈے اپنے لوکی سانوں
غیراں اُتوں وار گئے نیں
ساڈِیاں کَھرِیاں گلاں سُن کے
وَل کھاندے سرکار گئے نیں
کنّے سوہنے لوک سی انورؔ
دُکھاں ہتّھوں ہار گئے نیں
منیر انور
No comments:
Post a Comment
Note: only a member of this blog may post a comment.