چھڈ ہور ناں ہن ازمیشاں پا

چھڈ ہور ناں ہُن ازمیشاں پا، ہُن تھک گئے آں

ایس کھیڈ نُوں کِدرے بنّے لا، ہُن تھک گئے آں

کئی نہیریاں راتاں، چڑھدے سُورج ویکھے نیں

کِتوں چَن دی چاننی لبھ لیا، ہُن تھک گئے آں

اسیں ننگے پیریں ٹبّے ٹوئے اِک کیتے

سانوں اَگے ودھ کے سینے لا، ہُن تھک گئے آں

جدوں تانگھ دلاں دی مُک جاوے، دل مُک جاندے

ہن آ جا بیبا، ہُن آ جا، ہُن تھک گئے آں

اسیں انورؔ اپنے موہرِیاں دے، بُھکھ مر کے وی

ہُن تک پورے کیتے نیں چا، ہُن تھک گئے آں

منیر انور