بس کر جی ہُن بس کر جی
اک بات اساں نال ہس کر جی
تسی دل میرے وچ وسدے ہو
اینویں ساتھوں دُور کیوں نسدے ہو
نالے گھت جادو دل کھسدے ہو
بس کر جی ہُن بس کر جی
اک بات اساں نال ہس کر جی
تُسی مویاں نُون مار نہ مُکدے سی
کھدو وانگ کھونڈی نت کُٹدے سی
گل کردیاں واگل گھٹدے سی
ہن تیر لگاؤ کس کر جی
بس کر جی ہُن بس کر جی
اک بات اساں نال ہس کر جی
تُسی چھپدے ہو اساں پکڑے ہو
اساں نال زلف دے جکڑے ہو
تُسی جے چھپن نوں تکڑے ہو
ہُن جان نہ ملدا نس کر جی
بس کر جی ہُن بس ککر جی
اک بات اساں نال ہس کر جی
بلھا شوہ میں تیری بردی ہاں
تیرا مُکھ ویکھن نوں مردی ہاں
نِت سو سو منتاں کر دی ہاں
ہُن بیٹھ پنجر وچ دھس کر جی
بس کر جی ہُن بس کر جی
اک بات اساں نال ہس کر جی
بابا بلھے شاہ
