ہنسی کاہن اچرج بجائی
ہنسی والیا چاکا رانجھا
تیرا سُر ہے سب نال سانجھا
تیریاں موجاں ساڈا مانجھا
ساڈی سُر تیں آپ ملائی
ہنسی والیا کاہن کہاویں
سب وانیک انوپ مناویں
اکھیاں دے وچ نظر نہ آویں
کیسی بکھڑی کھیل رچائی
ہنسی کاہن اچرج بجائی
ہنسی سب کوئی سنے سناوے
ارتھ اس کا کوئی ورلا پاوے
جو کوئی انحد کی سُر پاوے
سو اس ہنسی کا سودائی
ہنسی کاہن اچرج بجائی
سُنیاں ہنسی دیاں کھنگوراں
کُوکاں تن من وانگوں موراں
ڈِٹھیاں اس دیاں توڑاں جوڑاں
اِک سُر دی سب کلا اٹھائی
ہنسی کاہن اچرج بجائی
اس ہنسی دا لمّاں لیکھا
جس نیں ڈھونڈا تس نیں دیکھا
سادی اس ہنسی دی ریکھا
ایس وجودوں صفت اُٹھائی
ہنسی کاہن اچرج بجائی
اس بنسی دے پنج ست تارے
آپ اپنی سُر بھردے سارے
اِک سُر سب دے وچ دم مارے
ساڈی اس نیں ہوش بھلائی
ہنسی کاہن اچرج بجائی
بلھا پُج پئے تکرار
بوہے آن کھلوتے یار
رکھیں کلمے نال بیوپار
تیری حضرت بھرے گواہی
ہنسی کاہن اچرج بجائی
بابا بلھے شاہ
